வரலாற்றுப் புத்தகத்துக்குள்

வரலாறா?!? அதை பத்தாம் வகுப்பு புத்தகத்தோட மூட்டை கட்டிட்டோமே! இந்த தலைமுறையினர் பதில். அசோகர் மரம் நட்டதும்,காந்தி சுதந்திரம் வாங்கிக் கொடுத்தது மட்டும் தான் நமக்கு நெனவு இருக்கு.விஞ்ஞானம் எவ்வளவு முக்கியமோ,வரலாறும் அவ்வளவு முக்கியமே.இந்த காலகட்டத்தில், வரலாற்றை வருடங்கள் கொண்ட பெட்டகமாகவே பார்க்கிறோம். ஆனால் வரலாறு என்பது ஓர் உணர்வு. நாம் வாழும் இந்த மண்ணில் ஆயிரக்கணக்கான சாம்ராஜ்யங்களும், லட்சக்கணக்கான மன்னரகளும்,பல கலாச்சாரங்களும், நாகரீகங்களும் தோன்றி மறைந்திருக்கிறன. இப்பொழுது இந்தியா வல்லரசு நாடுகளில் ஒன்றாக இல்லாமல் இருக்கலாம், விஞ்ஞானத்தில் ஜப்பானுக்கு நிகரில்லாமலிருக்கலாம். ஆனால் அன்றோ, உலகத்தில் இருந்த அத்தனை அரசர்களுக்கும் இந்தியாவை ஆட்சி செய்வதே கனவாக இருந்தது. எங்கும் இல்லா செழிப்பு,வணிகம், மக்கள், கலை.இவைதான் இந்தியா மீது படையெடுக்க முக்கிய காரணங்களாக இருந்தன.தொழில்நுட்பங்களிலும் முதன்மையானவர்களாகவே இருந்து இருக்கிரோம்.தொழில்நுட்பம் இன்றியா ராஜேந்திர சோழர் கடாரம் வரை படை எடுத்தார்?! விஞ்ஞானம் இல்லாமலா தஞ்சை பெரிய கோவில் ஆயிரம் ஆண்டுகள் கடந்தும் அதே கம்பீரத்தோடு நிற்கிறது?  இன்றைய கட்டிடங்களுக்கு டெல்லி மெட்ரோ கட்டும்போது நடந்த நிலைமைதான். Astrology, astrophysics படித்தா நமது பஞ்சாங்கம் கணிக்கப்பட்டது?! எந்த civil engineer வைத்து திருமலை நாயக்கர், மதுரையில் அவ்வளவு அழகு வாய்ந்த மண்டபத்தை அமைத்தார். மாமல்லபுரம், வெறும் பாறைகள்  கொண்டு உருவாக்கப்பட்ட அழகியல் நகரம்.எந்த architect வைத்து விஜயநகரம் உருவானது?! அவ்வளவு கட்டமைப்பு வாய்ந்த நகரம். அனைத்தும் சுல்தான்களால் அழிக்கப்பட்டு இன்று நிர்மூலமாய் நிற்கும் கோவில்கள். சுல்தான்கள்,முகலாயர்கள், ஐரோப்பியர்கள் என்று பலருக்கு அடிமைப் பட்டும் குன்றா வளத்துடன் இருக்கும் தேசம்.நல்ல தலைவர்களை இழந்ததால் வல்லரசாக தேதி குறிக்கும் தேசம். இன்று நாம் நாகரீகம் என்ற பெயரில் மேலைநாட்டுக் கலாச்சாரங்களை உயர்வாக எண்ணலாம். ஆனால் நமது நாகரீக வேர்கள் மிக ஆழமானவை. இந்திய நாகரீகம் உணர்ந்து வெளி நாட்டவர்கள் யோகா, தியானம் என்ற மாறி வருகிறார்கள். William dalrymple என்ற ஆங்கில எழுத்தாளர் நமது வரலாற்றை அவ்வளவு அழகாக எழுதி உள்ளார். நம் வரலாற்றை அழகாக வர்ணிக்கும் எழுத்தாளர்கள் பலர் தோன்றிவிட்டார்கள். அவைகளை படியுங்கள்.
இன்று நாம் வாழும் இந்தச் சூழ்நிலைக்கு, நமக்காக அன்று வாழ்ந்தவர்கள் பலர்.வரலாறு அறிவதே அவர்களுக்கு நாம் செய்யும் உண்மையான மரியாதை.
எதிர்காலம் நோக்கி, நிகழ்காலம் மறந்து ஒடும் மக்களே,இறந்த காலத்தையும் சற்று கவனியுங்கள்.

     நாம் விருட்சங்கள்; விதைத்தவர்களை                 வரலாறு அறியும்.